“Win yebγan tamaziγt ad tt-yaru”
Mi negza tafyirt-agi, ssyin d acu nezmer a t-neg ? Aṭas i yebγan ad arun s teqbaylit, maca ur ufin ara ttawil swayes ara arun tamaziγt, ugur i d-ttmagaren : d agemmay neγ isekkilen unicod, neγ isekkilen yettawin taneqqiṭ ddaw-atsen : ṛ, ṣ ,ḍ , ṭ, ḥ, ẓ, neγ acapu nnig-sen : č, ğ akk d wid d-newwi seg tegrigt : γ, ε ur ten-nettaf ara deg inasiwen n tefransist, anasiw azerty ay sseqdacen di Fransa neγ di Tmurt, daγen ugur nniḍen d amutur unadi am INTERNET EXPLORER, di tmurt d wagi ay sseqdacen, ur d-ttbanen ara deg-s isekkilen unicod. Uguren-agi ğğan kra n yemdanen akken a d-inin dakken yessefk ad nekkes akk isekkilen yettawin taneqqiṭ neγ acapu, acku ulac-iten deg inasiwen QWERTY akk d AZERTY, yernu d tidet,
Nezmer a nefru uguren-agi s useqdec n imuturen unadi umi semman FIREFOX akk d INTERNET EXPLORER 8, d temsulta TAHOMA, wigi ttbanen-d deg-sen akk isekkilen n igemmayen n ddunit, yernu d ilelliyen,
Imyura : http://www.imyura.net/
7 commentaires:
Mṛeḥba yiss-ek. Tanemmirt i lxiḍ γer unasiw http://www.lexilogos.com/claγier/tamazighṭlatin.htm
Arḍeγ-t. Ufiγ-t iwulem.
Aḍṛis-a yefza u yeṣfa.
Tanemmirt
Ansuf yis-k deg umaḍal n yiblugen (ismal) s teqbaylit deg Internet!
Aḍris-ik "Anasiw akk d isekkilen n teqbaylit" yelha, maca nekki ur ttwaliɣ ara uguren deg yisekkilen n teqbaylit imi yella Unicode. Yerna, ttarun medden s tcinwat, tahendut, tagrigit, atg, neɣ ala? Ma yella kra n wuguren, yessefk ad nbeddel aselkim neɣ ihallen yellan deg uselkim. Ihi, akken i d-tenniḍ, ma nra taqbaylit (tamaziɣt), ad tt-nettaru.
Tanemmirt
Azul i Weclim d Wagrakal, riγ ad awen-d-iniγ : γas akka kunwi d nekk neγ wiyaḍ nezmer a naru s isekkilen unicod, maca aṭas ur neẓri ara dakken llan wallalen iwulmen i tira s teqbaylit di internet, am unasiw-nni n wesmel imyura, yernu lecγal-a ur shilen ara γef wid ur neḥric ara di tsenselkimt (informatique), udreγ amutur unadi (moteur de recherche) acku steqsaγ imdanen yellan di tmurt, nnan-iyi-d dakken ar tura mazal-iten sseqdacen internet explorer, amutur-agi ur iqebbel ara isekkilen unicod ladγa wid nesseqdac deg ugemmay aqbayli, d imi i d-fkiγ ismawen n imuturen iqebblen unicod, rniγ-d tansa n unasiw ur neḥwaǧ ara azdam (telechargement).
Ay Agrakal, tudreḍ tacinwat, tahendit akk d tegrigt tutlayin-agi ttunefken-asent wallalen, a k-d-fkeγ amedya: aggur yezrin uγeγ-d aselkim amaynut, iteddun s windows vista, nudaγ akk amek ara aruγ s temsulta (police) n tmaziγt , tinna n tlatinit ur tt-id-seddan ara di word 2007, anagar (siwa) tinna n tifinaγ i d-seddan ! Ihi lemmer ur ssineγ ara, amek ara xedmeγ ? Tili ur tettwaliḍ ara ayen i la d-ttaruγ akka imira !
Azul ay Ameslay, tidet deg tmurt, ar tura, tteddun s Windows 95 akk d Internet Explorer. Ur ẓran ara (at tmurt) zemren ad ddun s Linux, d anagraw n wammud anect Windows neɣ ugar yerna batel (s turagt tilellit). Linux netta yetteddu s Firefox (s umata, ɣas ma llan yihallen niḍen). Firefox (s turagt tilellit) yezmer daɣen ad yilli deg Windows. Allalen ay neḥwaj d iqerra akk d ifasen n yiqbayliyen. Deg Word 2007, ulac tamsulta "Arial Unicode MS"? Yella yiwen wahil am Word maca s turagt tilellit, isem-is OpenOffice.org (ẓer http://aselkim.free.fr).
Azul ay Agrakal, Arial Unicode MS yella di word 2007, yella ula deg 2003, d acu kan ma yella ulac tamsulta ideg llan isekkilen-a : čḍǧḥṛṣṭẓγε, tuγal ar din ! D tidet tzemreḍ a d-tettaddameḍ asekkil seg insérer caracteres speciaux maca annect-a yessruḥuy akud ! Segmi sbeddeγ anasiw n imyura fran wuguren.
Azul fell-awen,
Tanemmirt γef weblug-agi.
Tamsalt-agi n tira s Tmaziγt deg uselkim ( ordinateur) neγ di internet s umata yessefk ad wellhen γur-s widak yellan di tmurt, imi dinna i qwan widak yettarun Taqbaylit. Am akka i d-t-nnam mazal aṭas n widak yettkukrun asexdem n uselkim : rrant d adrar. Netta asexdem uselkim mačči dγa d tasenlkimt. Am akken tanhart mačči d " la mécanique". Ihi win yessnen ilaq ad yekkes akukru yagi i widak iran, yebγan ad arun sinna ad as-yessefhem s tawil . Nekk qqareγ i widak ssneγ ula d jida, nettat werğin i kecmen aγerbaz, tezmer ad teselḥu aselkim. Dγa adrar-nni ad yuγal d luḍa.
Tella tikti nniḍen : awufan widak izemren ad heggin tidwilin uselmed n usexdem uselkim s umata (i widak iḥemmlen Taqbaylit wiyaḍ ur necqi ara deg-sen) u ad seddun deg-sent timsirin i tira n Tmaziγt di internet. Yessefk ad tekcem Teqbaylit di internet, d ayen yellan deg ifassen Imaziγen kan.
Enregistrer un commentaire