Adlis n tugniwin i igerdan

Adlis n tugniwin tafransist-taqbaylit

Aγet-d i warraw-nwen adlis n tugniwin, swayes ara lemden awalen n teqbaylit ! Amek i sen-neqqar i iγersiwen,i tγawsiwin d wayen nniḍen… ! D adlis s tugniwin icebḥen, ad yeεğeb i igerdan. Tazrigt i t-id-yessufγen tennum asufeγ n yedlisen am wi, dγa adlis n tugniwin gan-t s ddeqs n tutlayin nniḍen ilmend n warraw n yeγriben izedγen di Fransa, deg-s ad lemden tafransist imi adlis yettwaru s snat n tutlayin deg-s ad lemden taqbaylit ma llan d iqbayliyen neγ s tutlayt nniḍen ma kkan-d seg weγref nniḍen. 

Γas ddeqs iseggasen segmi i d-yeffeγ, ilugan n tira swayes ttwarun wawalen n teqbaylit i d-yeddan deg-s ur beddlen ara, d amussnaw ameqqran di tmaziγt Kamal Nait-Zerrad i d-yefkan neγ i d-yessumren awalen ladγa iwalnuten (néologismes). 

 

L’imagerie français-kabyle

Tazrigt : Fleurus

Aseggas n tuffγa : 1999

ISBN 2.215.062.932